Point liin Bayern an fal

Bayern Munich chuan an mikhual Augsburg chu 2-0 a hnehin Bundesliga table-ah point liin hma an hruai fal leh ta a, an nomawi humhim thei turin kawng dik an zawh zel.

Allianz Arena-a inkhelah hun chanve hma lamin goal a lut lo a, second half minute 53-naah Thomas Muller chuan mawi taka volley lutin a team hma a hruaipui, hun tawp hma chiahin Leon Goretzka chuan Serge Gnabry nen ball an inpek hnuah chak nemnghehna a khung bawk.

Bayern hian an legaue match hnuhnung zawkah Hoffenheim 6-0 in an sawp a, league match an khelh hnuhnung 11-ah tlawm an nei lo, vawi 10 hnehna changin ṭum khat chu an khingpui nen an inhnehtawk. Champions League last 16-ah Chelsea 3-0 a luh chhuahin quarterfinal lut turin an dinhmun a ṭha tawh hle bawk. Manager Hans-Dieter Flick hian tun ang zela result a nei ṭha a nih chuan season kal lai bakah contract thar a ziah mai pawh a beiseiawm ta hle.