Milan hnehtu Genoa beiseina a nung

Genoa chuan season thara Serie A khelh chhunzawm an tum ruh hle. Pathianni zan khan Davide Nicola-a naute hian AC Milan chu 2-1 a luh chhuahin relegation zone an chhuahsan. San Siro-a inkhelah mikhual Genoa an che fuh hmasa, minute sarihna lekah Gordan Pandev chuan goal hmahruai khungin chawlhlawk hmain Francesco Cassata chuan a khung belh bawk.

Mualneitu Milan lamin inkhel thunun mah se goal an nei thei mai lo, minute 77-naah Zlatan Ibrahimovic chuan an si phurh sut ṭhen mah se goal dang an neih belh thei tawh lo a ni. Milan hian point 36 hmuin pasarihna dinhmun an luah a, season thara Champions League khel tur chin palina Atalanta an phak lohna chu point 12 a ni. Hnehna changtu Genoa pawhin point 25 hmuin 17-na an ni, an hnuai chiaha awm Lecce nen an point hmuh zat a inan avangin an dinhmun hi a la ṭha bik viau lo.