Svitolina tan nomawi hmasa

Nimin zing khan Monterrey Open chu a hmawr bawkna neih a ni a, seeded pakhatna Elina Svitolina chuan season kal laia a nomawi hmasa ber chawi turin Marie Bouzkova a hneh.

Nomawi inchuhna inkhelah Svitolina hian 7-5, 4-6, 6-4 in hnehna a chang. Ukrainian player hian hnehna chang turin darkar thum chuang a mamawh a, kumina a title hmasa a nih bakah 2018 WTA Finals hnua a champion leh vawi khatna a ni.

World number 5 Svitolina chuan, "Inbeihna hautak leh hlimawm tak chu a ni, player huaisen leh thawkrim hmachhawn hi chu engtiklai mahin a awlsam ngai lo," tiin a khingpui Kovinic a fak.