Nets tan Harden a lo kir leh ta

Malpui dinglam hliam vanga a chawlh reng hnuah James Harden a lo kir leh ta a, nimin zing khan Harden hian point 18 a neih bakah assist vawi 11 nei bawkin Brooklyn Nets chu San Antonio Spurs lakah 128-116 in hnehna a chanpui.

April 22 hnuah Harden hi a inlan lehna hmasa ber a ni a, inkhel bul ṭantu zingah telh ni loin bench aṭangin a lut. Match 18 a khelh loh hnua lo kir leh ni mah se a theihna a la sang reng, court chhungah minute 26 a hman chhungin hmuhnawm tam tak a chhawp chhuak leh hman.

NBA regular season inkhel dangah Cleveland Cavaliers chuan Boston Celtics chu 102-94 in an hneh a, a zawna match 11 an tlawm hnuah Cavs an chak ve leh ta - Eastern Conference table mawng lama talbuai Cleveland tan hian Kevin Love chuan point 30 a nei.