Bundesliga Tuten nge UCL khel dawn?

Bundesliga-ah Bayern Munich an champon tawh a, pahnihna RB Leipzig nen season tharah Champions League an khel dawn. Hmunruak pahnih a la awm a, club pathum Wolfsburg, Borrusia Dortmund leh Eintranct Frankfurt ten an inchuh ang.

DFB Pokal champion Borussia Dortmund-in Pathianni zan dar 9:30-ah Mainz an hmachhawn dawn. Mainz hian Eintracht Frankfurt an chelh bakah Bayern an hneh bawk avangin Dortmund tan zuam chi an ni lo ang.

Chutihrualin kartawp inkhela en châkawm ber chu Pathianni zan 12:00-a RB Leipzig leh Wolfsburg inkhel tur a ni. Wolfsburg hi pathumnaah an awm mek a, amaherawhchu Leipzig laka an chak lo a nih chuan an hnuaia awm Dortmund-in an rawn lehpelh theih bakah Eintracht Frankfurt-in an nihrual thei dawn.

Frankfurt hian zanin dar 7-ah relegate tawh Schalke an tlawh dawn a, league match hnuhnung berah SC Freiburg an hmachhawn leh dawn avangin point ruk an hmuh theih mai a rinawm. Hemi a nih avang hian season tawp niah chauh Champions League hi khelh tur hi a chiang thei ang.