Super Bowl 2020: Kansas City Chiefs an ropui

Khawvel ngaihven hlawh Super Bowl chu nimin zing khan khelh a ni a, Patrick Mahomes ropui niah Kansas City Chiefs chuan kum 50 hnua a vawi khat nan Super Bowl nomawi an chawi - San Francisco 49ers chu 31-20 in an hneh a ni. 

Fourth quarter an khelh dawnin Kansas hi 20-10 in an hnufual a, mahse season hmasa National Football League MVP Patrick Mahomes-a'n hun tawp hnaih lamah hian a theihna rawn pholangin a team a champion pui. 

Chiefs hian minute li leh second 57 chhungin point 21 ngawt an rawn score a, 49ers lamin a chhanletna an nei lo - Vince Lombardi Trophy hawntu zawkah an ṭang. 

Super Bowl Most Valuable Player atana thlan Mahomes chuan, "Kan beiseina kan hloh lo a, he team-a tel zawng zawng te hian beidawng mai loin kan bei a, a tawpah kan hlawhtling ta a ni," tiin a sawi.