Hall of Fame-ah Kobe Bryant

Basketball player ropui Kobe Bryant chu Inrinni khan Naismith Memorial Basketball Hall of Fame-ah sengluh a ni. NBA-a LA Lakers vawi nga champion pui tawhtu Bryant hi January 2020 khan helicopter chesualah a fanu kum 13 mi Gianna leh a chuanpui mi dang pasarih te nen an thi.

Connecticut-a Hall of Fame lawmluhnaah hian Bryant-a nupui Vanessa chuan, "I hun a thleng ta, tunah chuan Hall of Famce zingah a i tel. MVP i ni ringawt lo a, champion dik tak i ni. Player ropui zingah i tel a, ka chhuang che. Kobe Bean Bryant ka hmangaih kum khua ang che," tiin a sawi a, Michael Jordan-a'n stage-ah hian a ṭawiawm bawk.

Lakers legend Bryant hian kum 2016 khan inkhelh a chawlhsan a, kum 2018 khan NBA Most Valuable Player niin MVP finals MVP ṭum hnih a nih bakah All Star-ah ṭum 18 thlan a ni. Olympic-ah United States vawi hnih 2008 leh 2012 khan gold medal a lakpui.

2020 Hall of Fame lakluhna hun hi Covid-19 vangin a hun an sawn a, Bryant-a rual hian NBA-a San Antonio Spurs vawi nga champion puitu Tim Duncan leh 2008-a Boston Celtics champion puitu Kevin Garnett te an tel ve bawk.