UFC lightweight champion Charles Oliveira

Charles Oliveira chuan nimin zing khan UFC lightweight title-a hnek chhuak a, fighter lar Michael Chandler chu second round-ah technical knockout hmangin a hneh.

UFC 262-a main event-ah hian round khatnaah Oliveira-a talbuai a, Bellator champion vawi thum ni thei Chandler hian na zetin vawi hnih chu Oliveira hi a hnek fuh - first round-ah technical knockout kan hmu teuh hle.

Round hnihnaah beisei loh thil a thleng - Oliveira-a'n na zetin Chandler hnek mah se a tho leh a, ngai erawh a awh lo. Brazilian fighter Oliveira-a'n a hnek chhunzawm a, Chandler-a inveng seng tawh lo.

Referee Dan Miragliotta-a inrawlh vat a, second round-ah second 19 chiah an inhnek hman tihin technical knockout hmangin Oliveira-a chak.

Oliveira chuan, "Ka knockout dawn tih ka hrilh tawh che u kha," tiin a thusawi a thlen dik thu a puang a, Khabib Nurmagomedov-a kalsan tak UFC lightweight title-a hlawh chhuak - vawi 40 fight-a hmachhawnah vawi 31 a chak a, vawi riat tlawmin vawi khat chu dan lo anga a chet avangin 'no contest'-ah puan a ni thung.

Toyota Center-a mipui 16,000 pungkhawm hmaa fight ngaihven hlawh dangah Beneil Dariush chuan fighter hriat hlawh Tony Ferguson chu harsatna awm loin a hneh a, unanimous decision (30-27, 30-27, 30-27) hmangin chak zawkah puan a ni.