Turkish champion Besiktas

European football-a league ngaihven hlawh pawl Turkish Super Lig chu Inrinni zan khan khelh zawh a ni ta a, 2-1 a Goztepe hnehtu Besiktas chuan goal difference-a Galatasaray khumin league champion an ni.

Super Lig-ah hian match tawp ber thlengin champion thei pathum an awm - Besiktas tan champion turin chak a ngai a, an hnuai chiaha awm Galatasaray-in goal an khung hnem loh a ṭul bawk.

Fenerbahce-in cham-pion beiseina tlem an nei ve bawk - anni tan erawh an khingpui an hneh piah lamah Beskitas leh Galatasaray an tlawm tel a ngai thung.

Inrinni zan a thleng a, Besiktas tan Domagoj Vida-a'n goal hmahruai a khung a, Goztepe tan Galatasaray beiseina siam turin Alpaslan Ozturk chuan si phurh sut mah se Rachid Ghezzal (penalty) chuan Besiktas tan a khung leh a, 2-1 a chakin an champion.

Hetihlai hian Galata-saray chuan 3-1 in Yeni Malatyaspor an hneh a, 5-1 in hnehna chang se champion tur an ni - mahse, goal nga chu an tlin ta bik lo.

Besiktas leh Goztepe-te 1-1 a an inhnehtawk lai khan Galatasaray hian Malatyaspor lakah Halil Dervisoglu leh Ryan Babel goal hmangin 2-1 in hma an hruai a, khatihlai khan inkhel tawp se champion tur an ni.

Mahse, Besiktas-in penalty an hlawhchhuah avangin 2-1 in hma an hruai leh si a, Galatasaray tan goal thum dang khung belh a ngaih phah. Mahse, hun pek belhah Ogulcan Caglayan chuan goal khat a khung ve leh hram a, 3-1 a chak chungin an champion lo.

Turkish Lig-ah hian point hmuh zat a inan chuan head-to-head result en hmasak ber a ni ṭhin a, head-to-head goal difference en leh a ni - heng zawng zawngah hian Besiktas leh Galatasaray an intluk tawk vek.

A tawpah goal diffe-rence en leh a ni a, goal difference nei chhe zawk Galatasaray-in nomawi an chawi ta lo - Besiktas erawh league nomawi vawi 16 an chawina chiah a ni.

Fenerbahce chuan 2-1 in Kayserispor an hneh ve bawk a, anni erawh an elpui pahnih an chak ve ve avangin point hniha hnufualin an champion zo ta lo.