Season tawpa chhuak tur David Luiz

David Luiz chuan Arsenal tana a contract neih lai a hmang zo dawn a, a pawhsei dawn loh avangin tun nipui bazar hunah North London club hi a chhuahsan ang - khawi lam nge a pan dawn tih erawh sawi a la ni lo.

Kum 34 mi Luiz hian season kal laiah Gunners tan inelna hrang hrangah match 30 a khel tawh, hliamin a tluak buak avangin a inlan tam tawk lo. Beisei angin a club hi hma a sawn pui lo a, Zirtawpni khan club thuneitute nen inbia in a chhuah tur thu hi an ti chiang.

Brazilian defender hian 2019 August thla khan Chelsea aṭangin Arsenal hi a zawm a, season hmasa khan FA Cup a lakpui. Mikel Arteta-a'n player naupang zawkte kaihhruai turin a duh a, mahse tun hnaiah erawh a malpui hliam vangin an match hnuhnung pathum a khel thei lo.