Saina leh Srikanth tan kawng a ping

Saina Nehwal leh Kidambi Srikanth te chu Tokyo Olympic-ah an inlan ve thei dawn lo. June 1-6 chhunga khelh tur Singapore Open chi hrileng vangin ṭhulh a ni a, qualifying khelh hmabak an ṭhulh avangin Indian shuttler tan ranking tih san theihna kawng a awm tawh lo.

Badminton World Federation (BWF) chuan Saina leh Srikanth inlan phak loh tur thu hi an ti chiang tawh. Japan rama infiamna khawmpui lianah hian India tan - PV Sindhu leh B. Sai Praneeth te bakah doubles player Chirag Shetty leh Satwiksairaj Rankireddy te an inlan ang.

Singapore Open hma hian India Open leh Malaysia Open te pawh coronavirus vangin khelh theih a ni lo. Olympic atan hian June 15 china an ranking en tur a ni dawn a, world number 16 ni phak lo tan insiamrem theih a ni tawh lo.