Lalmalsawma Memorial Futsal Zaninah quarterfinal khel dawn

Lalmalsawma Memo-rial Futsal MFA Inter Village Futsal Tournament 2020 quarterfinal chu vawiin hian Malsawma's Yard, Leitan-ah khelh ṭan a ni dawn. Zonet chuan live-in a pe chhuak dawn a, 'Bawhbel'-ah a en 

theih ang.

Team ṭha pariat zingah Dinthar team pahnih an la dam a, Dinthar A-in match hmasa berah Chanmari hnehtu Zonuam an hmachhawn dawn. Zan dar 6:15-ah Republic Veng B leh Sihphir Venghlun B te an inkhel zui ang.

Ramhlun South A leh Dinthar B-ah football lama tawnhriat nei ṭha an tam a, futsal-ah pawh team pahnih inkhel tur hi a hmuhnawm khawp ang. Match tawp berah futsal leh football-a team ṭha veng Chhinga Veng B leh Armed Veng

South B te an inkhel ang. Lalmalsawma Memo-rial Futsal-ah champion-in Rs 70,000 leh pahnihnain Rs 40,000 dawng dawn a, final thleng pha lo semifinalist hnenah Rs 10,000 pek a nih dawn avangin lawmman dawng pha tur tan vawiina chak ngei a ṭul dawn.

Quarterfinal - Vawiin Inkhel Tur

Dinthar A    05:00 pm    Zonuam

Republic Veng B    06:15 pm    Sihphir Venghlun B

Ramhlun South A    07:30 pm    Dinthar B

Chhinga Veng B    08:45 pm    Armed Veng South B