French Open khel lo tur Murray

Andy Murray chuan a hriselna dinhmun thlir chungin French Open khelh loh mai a tum thu a sawi a, zawimuangin grass court season hmang tura inbuatsaih a tum zawk thu a sawi bawk.

World number 1 hlui Murray hi hliamin a tibuai nasa hle a, tennis a chawlhsan hma mai pawh a hlauhawm hman. Tun hnaiah lo kir lehin doubles huangah a inlan a, inelna liana singles match khel tur erawh chuan a la zuam lo.

French Open buat-saihtu lam chuan Murray hi duhsak takin wildcard pek pawh an hnial loh thu an sawi. Mahse, Britain tlangval hian Grand Slam khelh a la zuam lo, Paris khawpuia a inkhelh dawn loh vang hian Geneva Open-ah pawh a inlan lo ang.

Kum 34 mi Murray chuan, "Duhsakna ka dawnte pawh ka ti hlawhtling thei dawn rih lo. Tunah chuan June thla a khelh tur Queen's Cup chu beiseina sang tak nen ka nghak dawn ta zawk, ka nghakhlel tawh hle," a ti.

June aṭangin grass court season an hmang ṭan dawn. All England Club hmuna inelna lian ber Wimbledon pawh khelh ngei tum a ni a, June 28 aṭangin grass court inelna ngaihhlut hi an khel ṭan ang.