March thlaah Curry a rawn kir beisei

Stephen Curry hliam a dam hnai a, tun dinhmunah inkhel turin la inpeih chiah lo mah se March thlaah chuan basketball a khelh leh theih tawh ngei beisei a ni.

Curry hi October thla khan Phoenix Suns nen an inkhelh ṭumin a ban vei lam a hliam, season hmasa lama an thiampuipa Kevin Durant a chhuah bakah Klay Thompson a hliam bawk avangin Golden State Warriors chu an talbuai takzet.

Warriors chuan thuchhuah siamin, “Chawlhkar li hnuah a dinhmun endik leh a ni ang, chuta ṭang chuan a nihna tak a hriat theih ang. Kan beisei dan chuan March thlaah chuan a rawn kir ang,” an ti.

Western Conference champion lai GSW hi regular season kal laiah vawi 11 chaih an la chak a, ṭum 11 an tlawm tawh thung; tunah hian table mawngphah luah lumtu an ni mek.