Messi & Koeman = Out?

Barca-in an league match hnuhnung panga aṭangin vawi khat chiah chak an nei a, vawi hnih an tlawm a, vawi hnih draw result an nei - anmahni tihsual rah an seng a, La Liga-ah 2007-08 hnua a vawi khat nan pathumna aia hniam chungin season an khar dawn.

Catalan club dinhmun chhiain a nghawng tel chu Lionel Messi a ni a, nipui transfer-a a contract tawp tur Messi hian tun thlengin contract thar a la ziak lo - nomawi chawi duha tuihal player a ni.

Barca coach Ronald Koeman chuan, "Messi hian a tel loa inkhelh harzia a pholang nawn a, khawvela player ṭha ber a ni. Tun season-ah goal 30-a khung tawh a, he team tan hian point a hlawh chhuak hnem tawh hle.

"He hmuna a cham dawn leh dawn loh erawh a kuta awm a ni a, a cham ngei erawh ka beisei. Leo-a chhuah chuan hetiang zozai goal hi tuin nge khung ta ang?" a ti a, Messi chelh ngei a duh.

Hetihlai hian Koeman zawk hi chhuak tur anga sawi a awm bawk - Barca midfielder hlui Xavi hming lam rik a ni a, mahse, Dutch coach hian a hma hun a sawi

duh lo.

Koeman chuan, "Ka hma hun maw? Ka tan chu chu zawhna tur pawh niin ka hre lo a, ka sawi lo ang," a ti a, ngawih a thlang.