Ka chhuah tur thu ka sawi lo - Zidane

Tun hnaiah Real Madrid boss Zinedine Zidane a player-te hnena a chhuah tur thu sawi anga tarlan a ni a, mahse, French manager chuan chutiang thil a thlen loh thu a sawi thung.

Zidane chuan, "Engtinnge ka player-te hnenah ka chhuah tur thu ka sawi theih ang? Nomawi chawi tuma theihtawp kan chhuah laiin ka chhuah tur thu ka sawi ang maw? Club pawn amite chuan an duh duh an sawi thei a, mahse, ka thil sawi anga an sawi erawh ka player-te bulah ka sawi ngai lo ang," a ti.

Khawthlang media ṭhenkhat chuan Real-a Zidane thlaktu tur hi an inrinsiak leh der tawh a, mahse, kum 48 mi coach hian a hma hun a la sawi chiang duh lo thung.

Zidane chuan, "Season tawpah ka hma hun tur chu kan sawi thei ang chu. Tunah erawh kan match tawp ber hi a pawimawh ber chu a ni. Tun hi ka hma hun sawi hun a ni lo a, tun season atana kan match tawp ber hi a pawimawh ber zawk chu a ni," a ti a, Villarreal lamah a rilru a dah.