A hmasa berah Jack Miller a thleng Marquez leh Mir tlan tluan thei lo

Pathianni zana tlan zawh tak 2021 French MotoGP-ah Australian rider Jack Miller-a'n hnehna a chang a, champion lai Joan Mir leh rider ṭha bik Marc Marquez te erawh an tlan tluan ve thei lo.

Miller hnungah hian Johann Zarco a thleng a, tualchhung tlangval Fabio Quartararo chu pathumnaah thlengin rider championship table-ah hmahruaitu a ni nghal bawk.

Ruah sur vangin Le Mans tlangkawng a huh a, bike tyre thlak mah se rider tam takin nidang an phak lo. Honda rider Marquez ngei pawh harsatna tawk zingah a tel a, atan world title beisei ngam a harsa tawh ang.

Hnehna changtu Miller hian Spanish GP-ah pawh hnehna a chang tawh a, tun hnaiah a zawnin a chak. Casey Stoner (2012) hnu lamah Miller hi Australian rider zingah MotoGP huanga chak zawn leh thei hmasa ber a ni.

Ducati rider Miller chuan, "A nihna takah chuan ruah sur vanga tlankawng a huh hian a harsa ṭhin, mahse chumi rual chiah chuan inelna kha a ti ngaihnawm zual ve bawk. Bike ke thlak a ngai a, chumi hnuah kanwg roa tlan a ngai leh ṭhinte hi a nuam danglam viau," a ti.

Bike intlansiakna sang ber season kal laiah hian inelna vawi nga an nei tawh. May 30, Pathianni hian a vawi rukna atan Italian Grand Prix an tlan leh ang. Hrileng vangin Argentine GP leh Grand Prix of The Americas te chu a hun an lo sawn lailawk tawh.