Saints-ah Walcott a nghet

Theo Walcott chuan Everton aṭanga loan hmanga a khelh mekna Southampton tan contract thar a ziak a, a chhawr chhuahna club nen hian 2023 thleng daih inremna an ziak.

Kum 32 mi Walcott hian nikum October thla khan Saints hi loan hmangin a zawm a, season 15 liam hnuah St Mary's Stadium-ah a kir leh tihna a ni. A club tan inelna hrang hrangah match 22 khel leh tawhin goal thum a khungsak.

English forward chuan, "Southampton hian ka nunah hmun pawimawh a chang reng, kum hnih chhung atana inremna kan nei thei ta hi ka lawm. Club tan theihtawp ka chhuah chhunzawm ang," a ti.

Walcott hian 2005 August thla khan Southampton tana a match hmasa ber a khel, hetih lai hian kum 16 leh ni 143 mi chauh a la ni–Saints tana player inlan thei naupang ber a ni hial.

Saints tana a khelh ṭan aṭanga thla nga hnu lekah Arsenal a zawm. North London club tan season 12 chhung a khel a, chumi hnuah Everton a zawm–tunah chuan a chhawr chhuahna hmunah bawk a hun hnuhnung lam a hmang.