Premier League player ropui zingah Frank Lampard leh Dennis Bergkamp

Premier League Hall of Fame-ah Chelsea legend Frank Lampard leh Arsenal legend Dennis Bergkamp a tel thu nimin khan an puang.

Premier League-a player ropuite huang Hall of Fame-ah hian a tirah Alan Shearer leh Thiery Henry-te chu dahluh nghal an ni a, player thlanchhuah 23 aṭangin kumin hian player dang paruk dah belh tur a ni.

Manchester United captain hlui Eric Cantona leh Roy Keane-te an tel tawh a, Lampard leh Bergkamp-te an rawn tel leh takah chuan playerpahnih tan chiah hmun ruak a awm tawh. Hall of Fame-a tel tur hi May 21-ah an puang kim ang.

Super Frankie
West Ham academy aṭanga inzir chhuak Frank Lampard hi mi bik a ni a, Harry Redknapp (a patea) hnuaiah a seilen avangin a bul ṭan tirh lamah
hian patea duhsakna vanga ding chhuak anga puh an awm.

Amaherawhchu Lampard hian pound maktaduai 11-in kum 2001 khan Chelsea a zawm a, London club-ah hian a theihna tak tak pholangin 'duhsak' tih ṭawngkam hman a rem tawh lo.

Lampard hian Chelsea hi Premier League-ah vawi thum a champion pui a, midfi elder ni chung siin goal 177 tehmeuh a khung a, assist vawi 102 a nei bawk. 'Box to box' player an tih zinga mi a ni a, goal khung tura nawrtu a nih bakah an lama goal lut tur veng hman khawpa tlan kir leh hman ṭhin player a ni a, Jose Mourinho player hman thiam a ni.

English mi English midfi elder hian Hammers, Chelsea leh Manchester City tan a khel a, Premier League-a midfi elder goal khung hnem ber a ni.

Lampard a lawm
Chelsea midfielder hlui Lampard chuan, "Kan naupan lai chuan West Ham tana khelh phak hi ka tum a ni a; Roy Keane, Alan Shearer leh Thierry Henry-te hi ka mi ngaihsan an ni. An zinga ka tel ve thei hi ka lawmin ka inchhuang hle," tiin a lawm thu a sawi.

A hlawhtlinna thuruk sawi chhuakin Chelsea manager hlui chuan, "Ka inzir peihna leh thawhrimna hi tun dinhmun ka thlen theihna chhan a ni. Goal ka khung thei a, ka team khelhna zawng zawng tan goal ka khung zel. Season tina ka goal khung reng theihna chhan hi chu hmasawn zel ka duhna leh ka thawhrim vang a ni," a ti.

Henry zuitu Bergkamp Premier League Hall of Fame-ah Arsenal goal khungtu ropui Thierry Henry dahluh nghal a ni a, Gunners aṭanga zuitu Dennis Bergkamp a nih hi a inhmeh hle.

Ani hi Premier League inkhel hmuhnawmna leh hlutna belhchhahtu ang hiala ngaih a ni a, Gunners ṭantute chauh ni loin football fan-te ngaihnat a ni. Dutch player hi Arsene Wengera'n 'artist' a tih tlemte zinga mi a ni a, khelmual chhunga a chet vel ṭhin dan hi 'statistics' hmanga sawifi ah vek theih a nei ve lo. North London club tan hian league match 315 a khelh aṭangin goal 87 a khung a, ṭhiante khung tur vawi 94 a siamsak bawk.

Manchester United legend Denis Law hming chawia 'Dennis Bergkamp' tih an phuah hian Inter Milan aṭangin 1995 khan Man United elpui Arsenal a zawm. Wenger kaihhruaina hnuaiah khan legue nomawi vawi thum a chawi, a hneh loh nei loa season hmang tluan ‘Invincibles’ tiinvincibles-tu zinga mi a ni.

Mual chhunga a chet dan tam takin fans mit a ti tlai ṭhin. Chung zinga sawi zui hlawh bik chu Newcastle United laka a goal khung kha a ni, March, 2002 khan Magpies nen an inkhel a, defender Nikos Dabizas a vir khum hnuah goal ropui a khung

Kum 2017 khan fans lamin kum 25 chhunga Premier League goal ṭha ber an thlang a, chuta an thlan chhuah chu Bergkamp-a'n Newcastle laka a khung kha a ni.

FA Cup vawi li champion tel thei Bergkamp chuan, "English mi ni lo, hnam dang player lakluh hmasak zinga ka tel hi ka lawm. Premier League
khan player ṭha zawkah min chher chhuak a ni. Match tin maia team ṭha leh player ṭha hmachhawn kha a nuam.

"England ka pan hnuah English mite rilru put hmang leh an chet dan kha ka ngaina hle, a bik takin football an hmangaihna kha a ropui ka ti.
English football kha ka inkhelh dan phung nen a in mil bawk," tiin a sawi.