FWA footballer of the year Ruben Dias

Manchester City defender Ruben Dias chu Football Writers' Association-in men's footballer of the year atan an thlang. Kum 24 mi Portuguese defender hian Benfica aṭangin pound maktaduai 65-in Man City hi a zawm a, Pep Guardiola hnuaiah tlarhnung innghahna a ni.

Kum 24 mi Dias chuan, "Team puihna tel lo chuan hetiang chawimawina hi a dawn theih loh a, kan thawh hona ṭhatzia lantirtu a ni. Chawimawina ka dawng hi ka lawm takzet," tiin a sawi.

Dias hian Man City hi Premier League leh League Cup-ah a champion pui tawh a, Champions League final-ah Chelsea an la hmachhawn leh dawn.

FWA chuan Dias hi chiang taka thlan a nih thu an puang a, Portuguese defender hi Tottenham striker Harry Kane leh Man City midfielder Kevin de Bruyne te an tluk lo. Man City player pakua zetin vote an hmu a, Pep-a naute hian vote lut aṭanga 50% aia tam an hmu a ni.