Kane-a'n thlahna a la siam lo - Mason

Tottenham Hotspur chuan Nilaini zan khan Aston Villa chu an mualah 2-1 in an hneh lo. Spurs hian Steven Bergwin hmangin minute riatna lekah goal khung hmasa mah se Sergio Reguilon-a'n minute 20-naah an lamah a ti lut a, Ollie Watkins-a'n minute 39-naah Villa chakna goal a khung.

Inkhel hi Spurs ṭantu 10,000-in a hmunah an en a, Harry Kane-a'n khelmual a chhuahsan hmain mipui hmaah kut a beng. Tun nipuia chhuak tura an sawi Kane hian Spurs-a thlah nan kut a beng, tiin an sawi zui.

Tottenham manager lailawk Ryan Mason chuan, "Thil kalphung pangngai a ni. Tu pawhin mahni khelmuala match hnuhnung berah chuan mipui thlah nan an ti ṭhin," tiin a sawifiah thung. Spurs hi an chak zawh loh avangin season thara Europa League khelh pawh a harsa tawh ang.