Europe-a inlan tum Hammers

West Ham chuan season thara Europe inelnaa tel ngei an tum a, Nilaini zan khan Hawthorns-ah West Brom 3-1 in an hneh. Baggies-in Mattheus Pereira hmangin goal an khung hmasa a, Hammers hian Tomas Soucek, Angelo Ogbonna leh Michail Antonio te hmangin an chhanglet.

David Moyes-a hote hian bul an ṭan ṭha a, Declan Rice-a'n penalty a hlah avangin chak turin vanneihna an mamawh phah. Amaherawhchu point thum hlu tak an hlawhchhuah tho avangin season thara Europa League khel turin point khat chauh an mamawh tawh a ni.