Steve Clarke-a'n ram tana khel lo pathum a ko

Scotland coach Steve Clarke-a'n Euro 2020 khel tur player 26 a thlang a, ram tana la khel lo pathum Billy Gilmour, Nathan Patterson leh David Turnbull te koh zingah an tel. Clarke-a hote hi group D-ah Czech Republic (14 June), England (18 June) leh Croatia (22 June) te nen an awm ho.

Kum 19 mi Billy Gilmour hi Chelsea aṭanga inzir chhuak a ni a, Euro 2020 a hmang ṭha a nih chuan Thomas Tuchel hnuaiah pawh season tharah a pawimawh chho thei ang. Rangers champion puitu zinga mi Nathan Patterson hi right back a ni a, Scottish player hmabak nei êng zinga mi a ni.

Celtic midfielder David Turnbull erawh kum 21 a ni tawh a, Celtic-ah hmun pawimawh a chang pha. Scotland hian Premier League-a mi hriat hlawh Andy Robertson, Kieran Tierney, Scott McTominay, Che Adams leh Liam Cooper te an kawl a, team ṭha tia sawi tur chu ni lo mah se ram lian barakhaih thei tur chu an ni.