Jimenez-a'n training pangngai a zawm

Wolverhampton Wanderers striker Raul Jimenez chuan tun hnai khan team training pangngai a zawm thei leh tawh a, season tharah chuan harsatna nei loin foootball a khelh theih leh tawh ngei beisei a ni.

Mexico international hi nikum November thla khan Arsenal nen an inkhelh ṭumin a inhliam, a lu ruh a khik avangin a dinhmun a ṭha lo hman hle - tun kar tawpa Manchester United an hmachhawn hunah erawh a la inlan thei lo ang.

Club doctor Matt Perry chuan, "Kan beisei dan chuan Raul hi 2021-22 season aṭangin a inkhel leh thei tawh ang. Tunah chuan a training dan tur pawh a hranpa a ruahman bik a ni a, July thla aṭang chuan a nih dan tur angin a awm theih tawh ka beisei," a ti.