Pacquiao a rawn kir dawn e

Boxer lar Manny Pacquiao chuan kum hnih hnuah boxing ring chhungah a lut leh dawn a, August thla hian WBC leh IBF welterweight champion Errol Spence Jr a hmachhawn ang.

Kum 42 mi Pacquiao inhnek hnuhnun ber chu July 2019 daih tawh kha a ni a, WBA welterweight title inchuhnaah Keith Thurman a hneh.

Philippines-a senator Pacquiao hian twitter kaltlangin kum Spence Jr a hmachhawn tur hi a puang a, August 21 hian Las Vegas-ah boxing hmmuhnawm thlir tur a awm dawn.

Pacquiao hian pro­fessional fight vawi 72 a hmachhawn tawh a, a record chu 62-7-2 a ni. Kum 1998 khan Pacman hian WBC flyweight-ah a champion a, kum 26 chhungin weight category pariatah world champion a ni thei a ni.

A khingpui tur Spence Jr hi hneh loh la tawng lo a ni a, a record chu 27-0 a ni mek. Kum 2019 khan Spence Jr hi car chesual avangin na takin a hliam a, nikum December khan rawn inlan leh chauhin Danny Garcia a hneh.

Spence Jr chuan, "A chiang ta. Kan inhmu dawn nia, kumin chhunga fight lian ber tur a ni ang," tiin a ziak a ni.