Geneva Open champion Ruud

Inrinni zan khan Geneva Open khelh zawh a ni a, mipa inelna huangah seeded pathumna Casper Ruud chuan Denis Shapovalov chu 7-6(6), 6-4 in a hneh - ATP Tour huanga a nomawi pahnihna a chawi.

Norway tlangval hian inelna a hmangṭha hle a, a khingpui seeded pahnihna Shapovalov hi break point a hmuhtir miah lo a, set hnihnaah a tumpui service chhuhsak zuiin hnehna a chang.

Season hmasa khan Argentina Open-ah Rudd hi a champion, kuminah beisei a nei sang. Madrid Masters leh Monte Carlo-ah semifinal a lut a, tunah hlawhtlinna a chan zui tak avangin world ranking-ah pawh 16-na dinhmun a luah dawn.