McLaren-ah Lando Norris a nghet

Formula 1 team McLaren chuan an driver Lando Norris chu contract thar an ziahpui a, tun season tawp ruala a contract zo mai tur chu kum khat dang atan an pawhsei belh.

Kum 21 mi Norris chuan, "Team ṭha leh hlun kan ni a, tun hmain ropui tak takin inelna kan lo hmachhawn tawh ṭhin. Tunah pawh McLaren hian beisei a nei sang, chuvang chuan he hmuna ka awm zel thei tur hi ka lawm," a ti.

McLaren hian an driver Daniel Ricciardo pawh kum 2022 thleng a cham tur thu an ti chiang tawh a, an driver pahnih hmang hian team ṭha - Mercedes, Red Bull leh Ferrari te elphak an tum dawn.