Lakers leh Jazz chak lo

Nimin zing NBA playoff inkhelah champion lai Los Angeles Lakers leh rinkai Utah Jazz te chu an match hmasa berah an chak lo, best of seven series a nih avangin tlang turin kawng erawh a la awm.

Salt Lake City-a inkhelah Memphis Grizzlies chuan Jazz lakah 112-109 in hnehna an chang, Western Conference laka an chak theih nan hian Dillon Brooks leh Ja Morant an che ṭha, an pahniha an point belhkhawm chu 57 a ni.

Inkhel dangah Devin Booker-a point 34 hmangin Phoenix Suns chuan Lakers 99-90 in an hneh. LeBron James (18 points) leh Anthony Davis (13) ten season hmasa an la phak lo a, nomawi humhim a awlsam dawn lo.

Eastern Conference playoff lamah Philadelphia 76ers chuan Washington Wizards 125-118 in an hneh a, inkhel dangah Atlanta Hawks pawhin New York Knicks lakah 107-105 in hnehna an chang ve bawk.