Alaba hoa khel tur Austria

European Championship khel tur Austria chuan an ram aiawh tur squad an puang a, Bayern Munich chhuahsan tur defender David Alaba chu hming langsar ber a ni.

Austria hian goalkeeper Heinz Lindner leh striker Adrian Grbic te erawh an ko lo. Anni pahnih hi a tira player koh chhin zingah tel mah se, coach Franco Foda-a'n player 26 a thlan chhuah zingah an tan hmun a awm ta lo.

Alaba bakah hian Bundesliga player 20 ngawt an awm dawn. An zingah hian Martin Hinteregger (Frankfurt), Julian Baumgartlinger (Leverkusen) leh Marcel Sabitzer (Leipzig) te chu hming langsar an ni.

Coach Foda chuan, "Coaching staff chuan player 26 hmanga inbuatsaih turin thutlukna a siam a, hetiang zat player thlan fal bik neih hi mihring lam tak aṭanga ngaihtuah chuan a awlsam lo hle," a ti.

Austria hi Group C-ah Netherlands, Ukraine leh North Macedonia te nen an awm khawm. Inelna lian Euro inbuatsaihna atan hian England leh Slovakia te an la hmachhawn leh ang.

Austria Squad:
Goalkeepers: Daniel Bachmann (Watford), Pavao Pervan (Wolfsburg), Alexander Schlager (LASK)

Defenders: David Alaba (Bayern Munich), Aleksandar Dragovic (Leverkusen), Marco Friedl (Werder Bremen), Martin Hinteregger (Eintracht Frankfurt), Stefan Lainer (Borussia Mönchengladbach), Philipp Lienhart (Freiburg), Stefan Posch (Hoffenheim), Christopher Trimmel (Union Berlin), Andreas Ulmer (Salzburg)

Midfielders: Julian Baumgartlinger (Leverkusen), Christoph Baumgartner (Hoffenheim), Florian Grillitsch (Hoffenheim), Stefan Ilsanker (Eintracht Frankfurt), Konrad Laimer (Leipzig), Valentino Lazaro (Borussia Mönchengladbach), Marcel Sabitzer (Leipzig), Louis Schaub (Luzern), Xaver Schlager (Wolfsburg), Alessandro Schöpf (Schalke)

Forwards: Marko Arnautovic (Shanghai), Michael Gregoritsch (Augsburg), Sasa Kalajdzic (Stuttgart), Karim Onisiwo (Mainz)