Belgrade-ah Djokovic a chak

Novak Djokovic chuan French Open in­buatsaihna hnuhnung ber atan Belgrade Open a khel a, a match hmasa berah Mats Moraing chu straight set hmangin a hneh a, zaninah Fede­rico Coria nen an in­hmachhawn leh ang.

Thawhlehni zan inkhelah Djokovic hian darkar khat leh minute 40 chhungin 6-2, 7-6 (7/4) in hnehna a chang, chak tur hian darkar khat leh minute 40 chhung hun a hmang - Rafael Nadal a hneh loh hnua a match hmasa berah a khel ṭha thawkhat.

World number 1 Djokovic chuan, "A tir lamah khan ka hlau­thawng deuh, set hnih­naah pawh ka service vawi hnih ngawt ka hloh a, inkhel awlsam tak tia sawi tur chu a ni lo," tiin a vannei zawka a ṭan thu a sawi.

Tun kar tawp Pathianni aṭangin French Open khelh ṭan a ni dawn a, clay court season kal laia beisei phak lo Djokovic tan tun inelna hi a pawimawh, nomawi a chawi thei a nih chuan inrintawkna a neih belh ang.