Cancer ngam loh Suarez
Hmeichhe tennis world number 6 hlui Carla Suarez chu French Open-ah a inlan dawn, Spanish player hian thla hmasa April lawk khan cancer natna a hneh thu a puang a, tunah chuan inelna lian a hmachhawn dawn!
Kum 32 mi Suarez hi nikum September thla khan a cancer tih hmuh chhuah a ni a, kumin January thla khan chemotherapy a la zo chiah. Tunah chuan quarterfinal vawi hnih a khelh tawhna Paris khawpui lam a hawi leh thei ta.
World number 118 Suarez chuan, "Roland Garros ka khel thei tur hi ka tan chuan chanchin lawmawm bik a ni. Tennis court chhungah chanchin lawmawm neih hlan ka nghakhlel tawh hle, tunah chuan hun ṭha a lo inherchhuak dawn ta.
"Infiamna hi 2020-ah ka chawlhsan ang tiin ka lo sawi tawh ṭhin, mahse natna ka neih avangin ka chawlh tum aia hmain inenkawl a ngai a, tennis court aṭang ngeia infiamna mangṭha hi ka duhdan a ni," tiin natna khum aṭanga chawlh puan mai a tum ngai loh thu a sawi.