US-ah Copa an sawn mai thei?

Hri lengin football khawvel a la nghawng chhunzawm zel. Nipui laia khelh tur Copa America pawh a khelna hmun tur a chiang thei lo, thu thang thar berah chuan North America lamah an sawn mai thei nia sawi a ni.

Copa America hi nikuma neih tur kha ni mah se hrileng vangin kum khatin an sawn tlai. A thleng tur hi Colombia leh Argentina an ni a, mipui lam nawrna vangin Colombia sorkar chuan an thlen theih loh tur thu an ti chiang tawh.

Argentina pawh hri vangin an buai mek, tunah hian ram chhunga football inelna dang pawh tih tawp lailawk vek a ngai hial. Media ṭhenkhat tarlan dan chuan Chile, Ecuador leh Venezuela te chuan an duh a nih chuan an thleng thei ang.

Kum 2016 khan Copa Amercia hi US-ah khelh a lo ni tawh a, South American ramten harsatna an tawh laiin US hi a tlan chhe lo ang tih chu a rin theih.

Mahse, US hian Concacaf Gold Cup a thlen dawn bawk avangin, Copa nen a thleng kawp dawn a nih chuan inkhelhna tur hmun thliar hran a ngai dawn tihna a ni.