India tana bronze medal latu Mizo naupang Esther Lalchhanhimi

Mizo naupang Esther Lalchhanhimi Sektak chuan, G2 Oceania Open Online Taekwondo Championship khelh mekah India tan bronze medal a la.

Gidae Taekwondo Aca­demy-a zirlai, Esther Lal­chhanhimi hi individual under 11-ah telin finalist 8 zingah a tel pha a, final inelnaah hian an poomsae video pahnih chu endiksak leh niin point 7.26 a hmu a, pathumna dinhmun a luah.

Chhinga Veng naupang bakah hian India aiawha khel ve tho - Yashwini Singh chu pakhatna niin Canadian player Jane Chung chu pahnihna a ni thung.

India aiawh hian Mizo naupang pahnih Pansy Ram­pan­zeli leh Joshua Lalthlang­dika Exodus School, Chaltlang te pawh telin semi­final an paltlang zo lo. Inelna hi May 15 khan ṭan niin May 30 thleng a awh ang, inelna hi online hmanga neih a ni.

World Taekwondo Oceania buatsaih tournament-ah hian inelna chi hrang hrang regular & freestyle poomsae, para & sidekick hmanga inelna neih a ni a, ram 15 aṭangin infiammi 300 chuang an tel.