Marin dinhmun a chiang lo

Olympic champion lai Carolina Marin chu Zirtawp­ni khan a training-na lamah a inhliam a, a khup hliam hi engtiang taka na nge a nih hriat a la ni lo - Tokyo Olympic atan a dinhmun a chiang ta lo.

Tun hmain Marin hi khup hliam vangin a lo buai tawh, mahse beisei a neih san thu sawiin Marin chuan, "Khup hliam vangin ka training chhunzawm thei lo, doctor-in ka nihna tak a endik tawh a, hliam nasa tak a ni lo turah kan ngai.

"Ka dinhmun a ṭha a, ngaihtuahawm ka ni lo. Chutih rualin endik nawn leh erawh a la ngai dawn," tiin a sawi. Khup hliam vang hian January, 2019 aṭanga nikum September thla thleng khan a lo chawl tawh.

Rio Olympic-ah khan Marin hian India chhuan­vawr PV Sindhu hnehin gold medal a la. Tokyo Olympic hi July 23 aṭanga khelh ṭan tur a ni dawn a, infiamna khawmpui lian hmain dam hman ngei a tum ang.