Osaka an paih dawn?

Naomi Osaka chuan a sawi lawk ang ngeiin French Open-a hnehna a chan hnuah media a hmachawn duh lo. Tournament buatsaihtu lamin thu chhuah an siam ve thung a, Japanese nula hi £10,570 an chawitir bakah press conference a nei lo zui a nih chuan inelna aṭangin an paih dawn.

Pathianni aṭang khan Paris khawpuiah French Open hi khelh ṭan niin, seeded pahnihna Osaka hian a match hmasa berah Patricia Maria Tig chu 6-4, 7-6 (7-4) a hnehin second round a inhlangkai.

Tun hmain Osaka hian clay leh grass court-ah result ṭha a nei ngai lo. Tun ṭuma media a hmachhawn loh chhan hi rilru lam hriselna thlenga nghawng thei nia a hriat vang a ni.

Mahse, Grand Slam buatsaihtu lam chuan Osaka vanga an kalphung thlak an tum lem lo. Major tournamet buasaihtute hian anmahniin thuneihna an nei a, player dan zawm lo chu an paih (disqualify) thei.

Hmeichhe singles inkhel dangah Petra Kvitova chuan match point a inchhanhim hnuah Greet Minnen chu 6-7 (7-3), 7-6 (7-5), 6-1 in a hneh hram - season hmasa semifinalist hian hnehna chang turin vanneihna a mamawh tel.

Wimbledon vawi hnih champion tawh Kvitova chuan, "Ka khingpui chauh kha ka bei lo, keimah leh keimah ngei pawh ka khelh ṭhat tawk loh avangin ka buai hle chu a ni," tiin a sawi.