Olympic en tur an fimkhur dawn

Japan chuan Tokyo Olympic thlen ngei a la tum ruh hle a, mahse infiamna khawmpui lian entute tan coronavirus chungchangah dan zawm tur a ruahman dawn.

Olympic-ah hian infiammi inlan tur zawng zawng chu hrileng lakah an fimhlim em tih ngun taka endik a ni dawn, infiammi chauh an ni dawn a, a en tura kal (fans) tan pawh invenna (vaccine) an la tawh emaw, hrileng lakah an fihlim ngei a ni tih fiahna neih a ngai dawn niin an sawi.

Japan hian ram dang aṭanga entu an awm a rem loh tur thu a ti chiang tawh a, tuna ruahmanna an siam thar ang chuan anmahni ram mi ngei tan pawh Olympic en a harsa dawn hle tihna a ni.

Media lamin zir­chianna an nei fo tawh a, zir chianna aṭanga a lan dan chuan Japan mipui tam zawkin Olympic thlen loh mai an duh. Mahse, sorkar lam erawhin thlen tlang ngei a tum thung, mipui himna a ngaih pawimawh chu a ngai dawn hle thung.