Kiki Bertens a tla

French Open khelh laia hmeichhe player langsar zinga mi Kiki Bertens chu hneh nei loin a tla. Nimin tlai khan Bertens hi Polona Hercog nen an in hmachhawn a, darkar khat leh minute 54 an inkhelh hnuah 6-1, 3-4, 6-4 in a chak lo.

Seeded 16-na Bertens hian beisei a phak lo, aces a siam miah lo a, double falut vawi ruk a neih bakah unforced errors ṭum 30 ngawt a nei bawk. Set thumna hun pawimawh laiah a service a hloh bawk avangin a zinkawng a tawp.

Dutch nula hian 2016 khan French Open semifinal a khel tawh, clay court inelna lianah chuan a thlen san ber ṭum a ni. Tun hnaiah a khel ṭha tawk lo a, world number 3 hial ni phak ṭhin kha 17-naah a tlahniam tawh.

Nimin tlai inkhel zingah Madison Keys chuan Oceane Dodin lakah 3-6, 6-3, 1-6 in hnehna a chang a, seeded 20-na Marketa Vondrousova pawhin a khingpui Kaia Kanepi chu 6-4, 3-6, 0-6 in a hneh ve bawk.