Lyon coach thar Peter Bosz

Duhthusama season khar lo Lyon chuan manager thar an nei. Ligue 1 club hian Peter Bosz chu an manager thar a nih thu an puang a, season hnih chhung atan contract an ziahpui.

Rudi Garcia a chhuah avangin Lyon hian manager an mamawh. Garcia hmunruak luah turin Ajax, Borussia Dortmund leh Bayer Leverkusen enkawl tawhtu Bosz chu beiseina sang tak nen an lalut.

Dutch manager Bosz chuan, "Kei chuan attacking football ka tuipui, keimahni tan ni loin min ṭantute tan kan inkhel ang. Tun hmain player naupang tak tak ka lo enkawl tawh ṭhin a, tunah pawh chutiang hna chu ka thawk dawn," a ti.

Lyon president Jean-Michel Aulas leh sporting director Juninho te pawhin an manager thar lakah beisei an neih san thu an sawi a, an ram league bakah European football-a hlawhtlin an tum dawn.

Ligue 1-ah Lyon hian palina ni chungin season an khar a, season tharah chuan Europa League an khel ang.