Kan theihna tak kan hria - Bale

Gareth Bale chuan Euro 2016-a an hlawhtlinna chhunzawm leh duh mah se an theihna tak an hriat thu a sawi.

Euro hnuhnung ber kha France ramah khelh a ni a, Wales hian semifinal thlengin Portugal an hneh lo. Chris Coleman-a hote khan Cardiff-ah pasalṭha hmuahin an lo hmuak a, mipui sang chuang an pung khawm.

Kum 31 mi Bale chuan, "Euro 2016-a thil ropui ang kha thlen nawn tir kan duh a, mahse thil awm dan dik tak hi kan hriat a pawimawh. Tunah chuan inelna dang daih a ni tawh a, team dang daih kan ni bawk. Chutihrualin inrintawkna nen theihtawp kan chhuah ang," tiin a sawi.

Wales hi group A-ah Italy, Switzerland leh Turkey te nen an awm a, Euro thlenpuitu Ryan Giggs-a'n court thubuai a neih avangin Robert Page hoin an khel ang.

Semifinal an thlen ṭuma player la awmte chu Bale, Aaron Ramsey, Ben Davies, Chris Gunter, Danny Ward, Joe Allen, Jonny Williams leh Wayne Hennessey te chiah an awm tawh. Player thlanchhuah 26 zinga 19 te chu ram tan vawi 25 emaw a aia tlem emaw inlan an ni.