Ṭha taka khelh a har dawn - Lewy

Poland international striker Robert Lewan-dowski chuan hah-chawlhna hun a tlem avangin player tan khelh ṭhat a har tur thu a sawi. Bayern Munich striker Lewy hian nikum May thlaa football khelh chhunzawm leh a nih hnu khan ram leh club tan match 60 a khel leh tawh a, nizan khan Poland-in Russia an hmachhawn bawk.

Kum 32 mi Lewan-dowski chuan, "A chang hi chuan mihring ve tho kan ni tih hi mipui hianan theihnghilh ṭhin. Khawl kan ni bik lo a, ni tinin a ṭha thei ang berin kan khel thei lo.

"Inkhel tam lutuk hi football leh player tan a pawi thei dawn a, kum hnih chhung chu match a tam lehzual dawn niin a lang. Player naupang zawk ten an harsatna an tawk ang. Hei chauh hi a ni lo, inkhel a tam leh lutuk chuan fan-te pawhin an nin a hlauhawm," tiin a sawi.

Lewy hian season hman zawh takah khan Bundesliga-ah goal 41 a khung a, Gerd Muller-a record a khum. Polish striker hian Bavarians tan inelna hrang hrangah goal 48 a khung a, Euro 2020-ah pawh top scorer tura rinkai a ni pha a ni.