Dortmund keeper thar Gregor Kobel

Borussia Dortmund chuan VfB Stuttgart aṭangin euro maktaduai 15-in Gregor Kobel an lalut a, Swiss keeper hian kum 2026 thleng daih contract a ziak.

Khawthlang media ṭhenkhatin Dortmund hi Barcelona keeper Marc ter Stegen nen an sawi zawm a, amaherawhchu German club hian Germany international keeper lak tumna an nei lo.

Dortmund-in si ban nghak tura an mi zawn chu kum 23 mi Kobel zawk hi a ni a, Switzerland senior team tan la inlan pha lo mah se hmabak êng tak a nei a ni. Kobel hi 6ft 4in-a sang a ni a, FC Zurich leh Grasshoppers-ah a inzir hnuin kum 2014 khan kum 16 mi lek niin Hoffenheim youth team a zawm.

Kobel hian Hoffen-heim-ah khelhna hmun a chang pha lo a, Augsburg leh Stuttgart-ah loan in a chhuak a, Stuttgart hian a ṭhatna hmu fuhin an la nghet. Switzerland no. 1 ni thei tura ngaih Kobel hi Hoffeheim keeper hlui Koen Casteels nen inanna an nei a, an ke an hmang thiam ve ve.

Borussia Dortmund hian season liam ta khan Swiss keeper pahnih Roman Burki leh Marwin Hitz te an inhman chhawk a, season tawp lamah Hitz hi number 1 a ni. Season tharah Kobel leh Hitz te an inel dawn a, Stuttgart aṭanga Dortmund zawmtu Kobel hi number 1 tura ngaih a ni.