Tomori-a'n Milan a zawm dawn

Chelsea manager Thomas Tuchel-a hnuaiah Fikayo Tomori tan hmun a awm lo a, England international defender hian season liam taa loan hmanga a khelhna AC Milan-ah a nghetin a lut dawn.

English club leh Milan hian inremna la nei chiah lo mah se Italian club hian Tomori manah euro maktaduai 28 vel an sen a ṭul dawn. Kum 23 mi defender hian kum nga daih contract ziak tura ngaih a ni.

Tomori hian season liam ta khan Serie A match 17-ah a inlan a, goal khat a khung. Nipui bazarah Chelsea an inṭhuah fai dawn niin a lang a, Blues player pathum Emerson, Tiemoue Bakayoko leh Davide Zappacosta te pawhin London club hi an chhuahsan ang.