Armenia-in Croatia an chelh

World Cup 2018 finalist Croatia chuan Euro 2020 atana an inpuahchahna match hmasa berah Armenia nen 1-1 in an inhnehtawk.

Armenia hi FIFA ranking-ah 90-na daih an ni a, Croatia tan result lawmawm a ni lo. Stadion Radnik-ah Ivan Perisic-a‘n minute 24-naah goal hmahruai a khung a, first half-ah 1-0 a ni.

Croatia manager Zlatko Dalic-a‘n halftime-ah player pali a thlak a, chung zingah chuan ram tana vawi 137 zet inlan tawh Luka Modric pawh a tel.

Second half-ah Croatia tan AC Milan forward Ante Rebic leh Atalanta midfielder Mario Pasalic te lut mah se Armenia zawkin goal an khung a, minute 72-naah substitute Wbeymar Angulo-a‘n a sut.

Croatia hi England, Scotland leh Czech Republic te nen group D-ah an awm. June 13 hian an match hmasa berah England nen Wembley Stadium-ah an inhmachhawn ang.