MSU Cup Inter-College Football Tournament

Mizo Students' Union huaihawta neih tur Inter-College Football Tournament chu vawiin zing dar 10:00 hian Rajiv Gandhi Stadium-ah neih ṭan a ni dawn a, MSSC secretary C. Laltlanthanga chuan khuh hawnna a nei dawn a ni. 

Inter College football Tournament-ah hian Aizawl khawpui chhunga college pasarih telin inelna an hmachhawn dawn a, vawiinah match thum khelh nghal tur niin March 13-ah final khelh tur a ni ang. 

MSU Cup-ah hian archery (thal inkahsiak) hmanga inelna neih a ni dawn bawk a, Mizoram Archery Association nena ṭangkawpin MSU chuan thal inkahsiak hi a buatsaih a ni. Archery competition bik hi Zirtawpniah neih tur a ni a, college pakua tel tura beisei niin team-a inelna hi kalpui tur a ni - team pakhatah player panga zel an awm ang. 

Vawiin Inkhel Tur

Group A

T. Romana College    vs    J. Thankima College

Group B

Aizawl West College    vs    Aizawl College

Aizawl North College    vs    Johnson College

*Inkhela chak zawkin semifinal an lut nghal ang.

*Group A-a awm Hrangbana College an 'bye' a, semifinal an lut sa.  

Lawmman - Football 

Champion    Rs 20,000

Pahnihna    Rs 10,000

Best Supporting Award    Rs 5,000

*Best Player, Top Scorer leh Best Goalkeeper thlan tur a ni bawk. 

Archery

Pakhatna    Rs 7,000 

Pahnihna    Rs 5,000 

Pathumna    Rs 3,000