De Bruyne-a'n match hmasa ber khel dawn lo

Champions League final-a inhliam Man-chester City midfielder Kevin De Bruyne chu Belgium-in June 12, Inrinni zana Russia nen Euro 2020 match hmasa ber an khelh hunah a inlan thei dawn lo.

Belgium manager Roberto Martinez chuan, "De Bruyne-a'n match hmasa ber a khel thei dawn lo a, tu pawh a aiawha khel tur chu a inpeih a ngai. A dinhmun dik tak hi kar leh lamah chauh kan hre thei dawn a, tunah rih chuan awm hahdam a pawimawh ang," tiin Man City midfielder chungchang a sawi.

Red Devils leh Russia hi group B-ah Denmark leh Finland te nen an awm ho a, group match hnuhnung pahnihah erawh De Bruyne hi inlan thei tura beisei a ni.

Nizan khan Belgium hian friendly match-ah Greece an hmachhawn a, June 6, Pathianni zanah Croatia nen an inkhel leh ang.