Kan thawkrim chhunzawm dawn - Fernandinho

Manchester City-in Champions League final-ah Chelsea an hneh lo a, an chak loh chhanah Pep Guardiola-a'n Fernandinho bul a ṭantir loh vanga ngaitu an tam hle.

Brazilian midfielder Fernandinho chuan, "Result hi chu kan thuneihnaa awm a ni lo. Kan thuneihnaa awm chu thawhrimna leh hlawhtling tura theihtawp chhuah a ni a, kan thu hnuaia awm chin hi chu tih hlawhtlin kan tum zel ang," tiin a sawi.

Kum 36 mi Fernandinho hian kum 2013 khan Shakhtar Donetsk aṭangin Man City hi a zawm a, tun thla tawp hian English club-a a contract a tawp dawn. Brazilian midfielder hian kum khat chhung atan a contract a pawhsei a rinawm, chutihrualin a kum zat thlirin a chhuak a nih pawhin a mak hran lo.