76ers, Hawks leh Jazz an tlang

Nimin zing khan NBA playoff khelh laiah team ṭha pathum - Philadelphia 76ers, Atlanta Hawks leh Utah Jazz te chuan an khingpui ṭheuh hnehin conference semifinal an inhlangkai.

Eastern Conference playoff game 5-ah Atlanta Hawks chuan New York Knicks 103-89 in an hneh a, best of seven series chu 4-1 in an la. Inkhel dangah 76ers chuan Washington Wizards chu 129-112 a hnehin series 4-1 bawkin an la.

Philadelphia 76ers leh Atlanta Hawks te hi Eastern Conference semifinal-ah an intawng zui dawn a, team pahnih hi regular season lama hmuhnawm taka lo khel tawh an nih bawk avangin inkhel hmuhnawm an chhawp chhuak ngei ang.

Western Conference lamah Utah Jazz chuan Memphis Grizzlies chu 126-110 in an hneh bawk a, anni hian game 5 an khelh tawh chinah vawi li hnehna changin an tlang. Los Angeles Clippers leh Dallas Mavericks inkhela chak zawk an hmachhawn leh dawn a ni.