Zaninah PSG Vs Dortmund
Zanin dar 12:30 hian Paris Saint-Germain leh Borussia Dortmund te UEFA Champions League last 16 second leg-ah an inhmachhawn dawn. German club hian first leg-ah Erling Braut Halaand goal hnih hmangin 2-1 in hneh mah se chak zawk tur a hriat loh - PSG tana Neymar goal khat hian nghawng lian tak a nei thei tlat.
Parc des Princes-a inkhel tur hi football ngainatuten an hmu châk a, amaherawhchu coronavirus vangin stadium-ah inkhel entu an awm dawn lo. Mipui awm lohna inkhel a nih avangin player-te'n au phurtu an nei dawn lo a, 'khuang loa chai' ang chauh a ni thei bawk.
Covid-19 nghawng
Tunlai hri hlauhawm Covid-19 in France-ah pawh nghawng a nei lian a, hri vei 1,200 vel hmuhchhuah a nih tawh bakah mi 21 an thi tawh. Hei vang hian French sorkar chuan mipui 1,000 aia tam pun khawm a khap a, Thawhṭanni khan Paris police-te chuan PSG leh Dortmund inkhelah entu an awm loh tur thu an puang tawh a ni.
Covid-19 hian France-ah pawh nghawng a nei lian ta hle. France leh Ireland ten Inrinnia Six Nations rugby match an khelh tur chu sawn a ni tawh a, ram pali France, Netherlands, Brazil leh Canada ten hmeichhe football tournament an khelh mek chu entu nei loin khelh a ṭul bawk.
Player ṭha inlar
Covid-19 vangin inkhel entu awm dawn lo mah se inkhel turte erawh an hraw hle. PSG-in danglamna thlen thei Kylian Mbappe leh Neymar te bakah Angel Di Maria, Mauro Icardi, Thiago Silva leh Keylor Navas te an kawl a, hming langsar vek an ni.
Amaherawhchu, PSG hian hrem vangin Marco Verratti leh Thomas Meunier te an chhawr thei dawn lo a, Italian midfielder Veratti awm lo tur hi channa nasa tak a tih theih bawk. French champion hian Covid-19 vangin kartawp khan Strasbourg nen inhmachhawn thei lo mah se hemi hma hian Lyon 5-1 zetin an sawp.
PSG hian Dortmund laka an tlawm hnuah match thum khel leh tawhin goal li an khung tling vek a German club tan ngaih ṭha taka awm a thiang lo. Chutihrualin Dortmund pawhin PSG an hneh hnuah match thumah an chak vek a; Haaland, Jadon Sancho, Julian Brandt leh Thorgan Hazard te awmna a nih miau avangin French champion tan pawh dan an harsa ang.
Dortmund hian hliam vangin Marco Reus an chhawr thei dawn lo a, chutihrualin PSG nen chuan tlarhnung a pawimawh dawn. Mats Hummels, Lukasz Piszczek leh Dan-Axel Zagadou te mawhphurhna a sang khawp ang.
Champions League - Last 16
SECOND LEG
Nizan Inkhel (Result kan hre hman lo)
RB Leipzig 01:30 AM Tottenham
Valencia 01:30 AM Atalanta
Zanin Inkhel Tur
PSG 01:30 AM Borussia Dortmund
Liverpool 01:30 AM Atletico Madrid
March 17, Thawhlehni zan
Manchester City 01:30 AM Real Madrid
Juventus 01:30 AM Lyon
March 18, Nilaini zan
Barcelona 01:30 AM Napoli
Bayern Munich 01:30 AM Chelsea
FIRST LEG
February 18, Thawhlehni zan
Atletico Madrid 1 - 0 Liverpool
ALT : Saul Niguez 4'
Borussia Dortmund 2 - 1 PSG
DOR : Erling Braut Halaand 69', 77'
PSG : Neymar 75'
February 19, Nilaini zan
Atalanta 4 - 1 Valencia
ATA : Hans Hateboer 16', 62'; Josip Ilicic 42';
Remo Freuler 57'
VAL : Denis Cheryshev 66'
Tottenham 0 - 1 RB Leipzig
LEI : Timo Werner 58' (P)
February 25, Thawhlehni Zan
Chelsea 0 - 3 Bayern Munich
BAY : Serge Gnabry 51'; 54'; Robert Lewandowski 76'
Napoli 1 - 1 Barcelona
NAP : Dries Mertens 30'
BAR : Antoine Griezmann 57'
February 26, Nilaini Zan
Lyon 1 - 0 Juventus
LYO : Lucas Tousart 31'
Real Madrid 1 - 2 Manchester City
REA : Isco 60'
MANC : Gabriel Jesus 78'; Kevin De Bruyne 83' (P)