Mizo pangain medal dawng

Champions Trophy Online Taekwondo Championship neih zawh takah Mizo player panga ten medal panga an la. Gold medal pathum, silver leh bronze medal pakhat ve ve an hlawh chhuak.

Inelnaah hian India ram pum bakah ram pawn aṭanga tel an awm nual bawk a. Taekwondo poomsae leh speedkicking hmangte a inelna neih a ni. Inelna tura thlan poomsae video pahnih ṭheuh endik tura thawn a ni.

International referee ten an lo endik hnuah result hi siam a ni. Medal latute zinga V. Vanengmawia hi St. Lawrence School Taekwondo club zirlai niin a dang mi pali te hi Exodus School Taekwondo Club zirlaite vek an ni thung.