Atletico-ah Saul a nghet lo

La Liga-a Atletico Madrid champion puitu Saul Niguez chu chhuak thei tura sawi a ni a, Spanish midfielder hi FC Bayern Munich leh Chelsea nen sawi zawm a ni.

Kum 26 mi Saul hi Atletico Madrid academy chhuak a ni a, March 2012 khan senior team tan khel ṭanin season hnuhnung panga chhung chu player pawimawh a ni tawh.

Saul hian season liam ta khan league-ah match 33 a khel a, goal hnih a khung.

Atletico pawhin Saul thlakna tur hi an dap ṭan nghal der tawh niin sawi a awm a, Spanish club hi Udinese midfielder Rodrigo de Paul nen sawi zawm an ni bawk.